Tasevski - Eternijan, Jovica: Гозба

Темничиште лудо темничиште незаситно

ја фрла црната котва во студеното море

низ морничавиот мир се шири

како безграничен татнеж

ги урива мермерните столбови

облиците ги гризе

паѓаат царствата неми

облаците ги раскинува

кон Исток граби

го разграбува безобѕирно

ѕвезденото млеко

и сè е невратка

темничиште незаситно

темничиште грдо

темничиште лудо

темничиште непрегледно

недогледно