Deschamps, Eustache: Souhaits du jour de l'an

Bon an, bon jour et bonne estraine
Ma dame, vous soit hui donnée
Au commencement de l'année,
Comme à m'amour tressouveraine
Et la plus belle qui soit née,
Bon an, bon jour et bonne estraine,
Ma dame, vous soit hui donnée.

De mon cuer et corps vous estraine,
Tout vous doing à cette journée
Et pour estre mieulx estrenée
Bon an, bon jour et bonne estraine,
Ma dame, vous soit hui donnée
Au commencement de l'année.